Yazmaq istəyirəm... O lənətə gəlmiş tıxacda bir saatımı itirdiyim haqda.. İtirdiyim həmin saatın mənə vaxtiylə necə lazım olması haqda da.. Yağan o günahsız yağışa lənət oxuyan insanların problemlərini o incə damlaların üstünə atmasından yazmaq istəyirəm.. Elə həmin problemlərdən də.. Metroda gördüyüm o dilənçinin axşam başçısından bir təhər nə qədər pul gizlədəbiləcəyini fikirləşməsindən.. O dilənçiyə iyirmi qəpik verən oğlanın başqalarından on qəpik artıq olduğunu göstərmək istəməsindən də.. Oturacağa əyləşən qaş-qabaqlı arvadın üzümə tərs-tərs baxaraq yer verməyimə 'sağol' deməyi yaddan çıxarmasından... Heyvan yox insan daşıdığını yadına salmaq belə istəməyən sürücülərdən.. Yazmaq istəyirəm siqaret çəkməyin qadağan olduğu yerdə siqaret çəkən dardüşüncəlilərdən, bax o sürücülərdən... İçi yüzbir min dərədən gələn zibillə dolan bu şəhərin üfünət qoxan iyindən... Yolla keçən gödək ətəkçəli gözəlçənin üz-gözünü turşutduğu söz atan oğlanların diqqətini çəkmək üçün gödək geyinməsindən.. *** Yazmaq istəyirəm qızlardan... Hər 'sevirəm' deyənə ürəyini verən quşbeyinlilərdən, Bilərək telefon kameralarının ulduzuna çevrilənlərdən, Namaz qılan dırnaqiçi qızlardan da yazım qoy.. Vallah hicabla minyet edən qızdan yaxşıdır qaluboy! İndi bakirələr qalır evdə, daha çox fahişələr edir toy.. *** Yazmaq istəyirəm elə oğlanlardan da... Qeyrətsizlərdən, Evdə anasını döyən, çöldə 'namus, qeyrət!' deyənlərdən.. İl yarımda 'dırış', 'dembel', 'ded', bəlkə də şərəfsiz çavuş, amma nə badə əsgər olanlardan, Bayrağına, torpağına söyüb, Vətənə minnət yükləyən arsızlardan, Bu 'kişilik məktəbi' keçənlərin çayxanadakı kişiliyindən, Kişiliyi təsbehlə, saçla, geyimlə ölçənlərdən... Yazım gəncliyimizdən.. Dayan bir! Necə yazım olmayan şeydən?! Repə, roka, caza sitayiş edib, milli musiqiyə söyənlərdən, Aşığa ağzını əyən beyni əyrilərdən, Hələ hansı millətdən olduğunu bilməyənlərdən, özünə 'müsəlman', 'azərbaycanlı', 'azəri' və yüz cür ad uyduranlardan, "Türkəm!' sözündən hürkən manqurtlardan, Əsilsiz, nəsilsiz, soysuzlardan!.. özünə çatla qız, oğlan, ər, arvad tapanlardan.. Rusca danışmağın səviyyə hesab edildiyi toplumumuzdan... 70 il onu bizə qan udduran ruslara yaltaqlananlardan... Bəlkə yazım böyüklərdən, rəhbərlikdən? Xaricə satılan iqtidardan, iqtidara satılan müxalifətdən.. Xalqı satan şərəfsizlərdən... 'Şərəf'in ancaq adam adı olmağından, Xalqımın yenə yatmağından, yenə geri qalmağından.. Qara dağlı Qarabağdan.. Müqəddəs torpaqların satılmağından, unudulmağından... *** Yazmaq istəyirəm... Zəmanəni pozan
insanlardan, Pozulan insanlıqdan.. H5N1-dən, xərçəngdən, HİV-dən, Narkomaniya, fahişəlikdən, Soyuq, isti müharibələrdən, Həmasdan, Qəzzədəkilərdən, Fələstindən, massonlardan, 'Mənəmlik' davasında olan hegemonlardan, Amerikanın qanlı demokratiyasından, Şovinist rusların imperiyasından, Orta Asiyalı tulalarından, Nəcisindən uran tapa İranın yekəbaşlığından, 35 milyon qapazaltı soydaşımdan, Qlobalist və anti-qlobalistlərdən, Neo-nasist və komunistlərdən, Sionistlərdən, Ağzından süd iyi gələn skinhedlərdən.. Yazım bir az da virtual solçu inqilabçılardan, Kapitalistlərin alətinə çevrilən çe Gevaradan, O soysuz komendantenin cılız piarından, Kölgədə qalan əsl inqilabçılardan.. Terrorçu PKK-nın da sosialist olmağından, Dövlətin din, dinin cihad, cihadın terrorluğundan, Sinəsindən axan qanın laxtalandığı İraqdan, Pakistandan, Anti-terror adıyla xarabalığa çevrilən torpaqlardan,Yazmaq istəyirəm... Amerikalı, avropalı,asiyalı, afrikalı, antarktidalılardan.. Qoy yazım hər şeydən, nifrət etdiyim bu planetdən!... Usta da deyir yaz... İstəyirəm... Yaz istəyirəm.. qışa dönmüş bu dünyada.. Yağış olub yağmaq istəyirəm mən də, Yazmaq istəyirəm...Ya da ki, yazmayacam bütün bunları.. Bu kirli həyat cəmində, O qədər təmiz deyiləm mən də...
H.O.S.T ALLIANCE QARAQAN & PROMETE |
